I mituri tenton të vrasë babanë e të dashurës së tij 16-vjeçare në Selanik 26/12 10:11
Emigrantët filluan të mbledhin gjërat e tyre të dielën dhe të lëvizin pas përpjekjes së dështuar për të hyrë në Maqedoninë e Veriut nëpërmjet kufirit, pranë fshatit Eidomeni. Ata ishin grumbulluar pranë një kampi në Diavata, 10 km në perëndim të Selanikut.
Vetëm disa tenda mbetën në vendin e improvizuar, pasi njerëzit hipën në autobusë për t’u kthyer në kampet e organizuara. Emigrantët braktisën tendat pas thashethemeve mbi mediet sociale se barrierat në kufi u hoqën dhe se emigrantët mund të lëviznin lirshëm.
Këto raportime dolën të rreme dhe emigrantët u përplasën me policinë greke. Të premten pati një përplasje me gaz lotsjellës, pasi turma e njerëzve ecte drejt kufirit.
Dhjetëra mijëra refugjatë dhe emigrantë, kryesisht nga Siria, Iraku dhe Afganistani mbeten të bllokuar në Greqi pasi vendet e Ballkanit mbyllën kufijtë e tyre në vitin 2016. Kjo rrugë ishte kalimi kryesor në Evropën veriore.
Top Channel
