Djegia e pemës së Krishtlindjes, shpërthejnë protestat ne Siri! Përfaqësuesi i grupit rebel ngre kryqin në shenjë solidariteti 24/12 19:32
Partitë nacionaliste anti-imigracionit planifikojnë të bashkojnë forcat pas zgjedhjeve të ardhshme parlamentare të Bashkimit Evropian, që do të mbahen muajin e ardhshëm, duke synuar për të krijuar një bllok të ri, thanë zyrtarët nga katër grupe të hënën.
Ky veprim tregon besimin në rritje midis partive të ekstremit të djathtë dhe sovran që për herë të parë që nga formimi i BE 60 vjet më parë, ata mund të fitojnë vende të mjaftueshme në parlament për të pasur një fjalë të fortë në mënyrën se si drejtohet kontinenti.
“Ne duam të reformojmë Bashkimin Evropian dhe Parlamentin Evropian, pa i shkatërruar ato. Ne duam të sjellim ndryshime radikale”, tha Joerg Meuthen, kryetari i Alternativës euroskeptike për Gjermaninë (AfD).
Meuthen u tha gazetarëve se blloku parlamentar i BE do të quhet Aleanca Evropiane për Popullin dhe Kombet. Së pari do të përfshijë të paktën 10 parti, pjesë e tre grupeve që aktualisht strehojnë forca të ndryshme nacionaliste.
Veprimtaria e së hënës u organizua nga zëvendëskryeministri italian Matteo Salvini, i cili kryeson Lidhjen e krahut të djathtë dhe ka qenë forca shtytëse në bindjen e politikanëve që të lënë pas krahëve ndasitë, përpara zgjedhjeve të 26 majit në BE.
“Ne mund të propozojmë një Evropë të re sepse ne kurrë nuk kemi qeverisur (në Bruksel),” tha Salvini. “Qëllimi ynë është të jemi vendimtarë, të propozojmë komisionerë të rinj në komisionin e ri,” shtoi ai, duke iu referuar trupit të fuqishëm që mbikëqyr politikën e BE-së.
Top Channel
