Anës detit, por pa ujë! Remonti nga OST lë “thatë” durrsakët
01/04/2019 08:59
Përplasen dy automjete në aksin “Korçë-Pogradec”, plagosen dy pasagjerë 25/12 17:21
Banorët e qytetit të Durrësit e kanë nisur këtë javë me një mungesë nga më thelbësoret për jetën e tyre, atë të ujit të pijshëm.
Shkak është bërë një remont i planifikuar nga Operatori i Sistemit të Transmetimit të energjisë elektrike, duke sjellë në këtë mënyrë ndërprerje të furnizimit me ujë të pijshëm për qytetarët e bregdetit nga ora 8 e mëngjesit deri në 17 të pasdites.
OST-ja njofton se ka stakuar energjinë, me të cilën furnizohej stacioni kryesor i pompave.
Për pasojë Ndërmarrja e Ujësjellës-Kanalizimeve të Durrësit njofton abonentët që të marrin masa me ç’të munden, pasi furnizimi me ujë të pijshëm do të ketë çrregullime, deri në ndërprerje totale për sot dhe ditën e nesërme.
Top Channel
