Masa “detyrim paraqitje” pa marrë autorizim nga Kuvendi, Kushtetuesja rrëzon Berishën: Nuk prek funksionin si deputet
21/11 22:17
Protesta e opozitës nisi me një incident me banorët e Astirit, të cilët u ndaluan të marshonin drejt Parlamentit përmes pedonales, duke sjellë dhe konfrontimin me policinë.
Në mes të protestuesve ishin ish-deputetë demokratë, të cilët, pas kritikave të kryetarit Lulzim Basha, ishin shpërndarë në çdo vatër proteste dhe në ballë të saj, edhe kur protestuesit tentonin të thyenin kordonin e policisë.
Kjo skenë përsëritej herë pas here, ndërsa situata u tensionua më shumë kur fjalën e morën drejtuesit e opozitës.
Me një lëvizje të papritur, teksa situata ishte tensionuar, Flamur Noka u kërkoi protestuesve të ndiqnin Bashën drejt Ministrisë së Brendshme.
Në drejtim të godinës së kësaj ministrie u hodh bojë e zezë, ndërsa protestuesit morën sinjal të terhiqeshin drejt selisë blu. Kamerat ndiqnin hap pas hapi zhvendosjen e protestës së opozitës nga njëra godinë në tjetrën, ku në marshim e sipër u lëndua dhe operatori i Top Chanel, i cili u rrëzua teksa filmonte.
Protesta e opozitës u mbyll në selinë blu nga kryetari demokrat. Basha garantoi protestuesit se nuk do të bëjë marrëveshje me Edi Ramën.
Himni i flamurit përmbylli protestën e opozitarëve.
Top Channel
