Top Story udhëtoi drejt Elbasanit, për të shoqëruar për në Tiranë protestuesit e këtij qyteti. Në orën 08:00 të mëngjesit, simpatizantë e Partisë Demokratike nisen për të protestuar në Tiranë.
Një ndër këta qytetarë është edhe Bujari, një oficer policie në lirim. Edhe ai do të protestojë.
Bujari shpjegon shkurtimisht për Top Story se përse merr pjesë në protest në Tiranë.
“Unë quhem Bujar Cala. Jetoj në Elbasan në lagjen Sylia Dylgjeri. Profesioni im është ish-officer policie. Sot jam i papunë. Unë bëj një jetë jashzakonisht të vështirë ekonomike. Në punë është vetëm vajza e madhe. Jetoj vetëm me pagën e vajzës. Vetë i 5-të. Djali pa punë, goca e vogël në shkollë dhe gruaja pa punë në shtëpi. Nuk më vjen keq se jam mësuar me vuajtjet ekonomike por…më vjen jashtzakonisht keq për çunin që e kam heq nga shkolla. Për mungesë të të ardhurave ekonomike. Unë këtë nuk ia fal dot vetës. Domethënë unë jam prind i paaftë. Ndoshta sjam i tillë por… këto i bën sistemi. Jam liruar në mënyrë të padrejtë nga policia e shtetit. Sapo Rilindja erdhi në pushtet. Ja pra, kjo është arsyeja. Çfarë mund ti them unë familjës time?”, rrëfen Bujar Çala, protestues.
Bujari niset drejt selisë së Partisë Demokratike në Elbasan ku e presin edhe protestues të tjerë. Në rrugë ai duket si një ndër qindra qytetarët e tjerë që lëvizin në këtë qytet.
Top Channel
