Debate në KLP, Tiranës dhe Elbasanit i mungojnë 51 prokurorë
18/07 21:17
Një automjet në të cilin udhëtonin dy persona në Lezhë është qëlluar me armë zjarri. Ngjarja ka ndodhur rreth orës 10:00, në aksin Milot-Lezhë, në afërsi të fshatit Tresh. Persona ende të paidentifikuar kanë qëlluar me pistoletë në drejtim të automjetit tip Ford.
Në automjetin e sulmuar udhëtonin Mirel Ndoka, inspektor i INUV në Bashkinë Lezhë dhe Edmond Mhilli, ish-punonjës i Komunës Zejmen.
Autorët parakaluan makinën e tyre dhe në lëvizje i qëlluan ata, por 3 plumbat prekën vetëm pjesën e poshtme të makinës, pa shkaktuar viktima .
Bashkia Lezhë përjashtoi që atentati të ketë lidhje me detyrën e Mirel Ndokës, por hetimet vazhdojnë.
Që të dy janë marrë në pyetje nga policia, e cila ka sekuestruar pamjet e kamerave të sigurisë së biznesve pranë fshatit Tresh, në autostradën Lezhë-Milot.
Top Channel
