Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Shtëpia e Bardhë e ka bërë të qartë planin për tërheqjen e trupave amerikane në Siri, duke theksuar se 400 ushtarë do të qëndrojnë ende në shtetin e shkatërruar nga luftërat e mëdha.
Ditë më parë, zëdhënësja e Shtëpisë së Bardhë, Sarah Sanders, tha se rreth 200 trupa mund të qëndrojnë në Siri për një periudhë.
Forcat siriane të udhëhequra nga kurdët dhe të mbështetura nga SHBA-ja, kanë mirëpritur vendimin, duke theksuar se ky vendim mund të bëjë që edhe koalicionet tjera të udhëhequra nga SHBA të mbajnë trupat në vend.
Presidenti i Shteteve të Bashkuara, Donald Trump, ka kundërshtuar deklaratat se vendimi i tij për mostërheqjen e të gjitha trupave nga Siria do të thotë tërheqje graduale nga Siria.
Trump kishte befasuar ligjvënësit amerikanë dhe aleatët ndërkombëtarë në dhjetor me njoftimin se do të tërheqë të gjitha trupat nga Siria. Trump kishte thënë se trupat nuk janë më të nevojshme pasi, sipas tij, është luftuar Shteti Islamik.
Presidenti amerikan do të shpallte fundin e kalifatit dhe mundjen e Shtetit Islamik, por e ka shtyrë këtë njoftim, ndërkohë që në Siri po përpiqet të merret edhe fortesa e fundit e militantëve, tashmë e kufizuar në një sipërfaqe prej gjysmë kilometri katror.
Top Channel
