Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Kryeministri izraelit Benjamin Netanjahu do të takohet me presidentin rus Vladimir Putin në Moskë më 27 shkurt, tha zyra e Netanyahut të enjten, me fokusin që ka të ngjarë të jetë në çështjet e Lindjes së Mesme.
Të dy liderët kishin planifikuar të takoheshin këtë javë, por kjo ishte shtyrë, pa dhënë asnjë arsye. Në atë kohë, Kremlini tha se Netanjahu dhe Putini do të diskutonin situatën në Lindjen e Mesme, përfshirë Sirinë. Deklarata e të enjtes nuk ofroi detaje të mëtejshme.
Forca ajrore e Izraelit ka sulmuar vazhdimisht atë që përshkruan si objektiva iranianë në Siri dhe ato të milicisë aleate, duke përfshirë Hezbollahun e Libanit.
Sulmet ajrore kanë shkaktuar prej kohësh një fërkim midis Izraelit dhe Rusisë, i cili përveç Iranit, është mbështetësi tjetër i huaj i presidentit sirian Bashar al-Assad.
Zyrtarët izraelitë kanë folur në të kaluarën me një marrëveshje me Moskën, sipas të cilës ata kanë bërë të qartë se sulmet e tyre për Sirinë, nuk do të kërcënonin Asadin, ndërsa Rusia ka premtuar të ndihmojë kufizimin e ndikimit iranian pranë kufirit izraelit.
Një linjë telefonike e krijuar që nga viti 2015 synon të sigurojë që forcat ruse në Siri nuk do të preken nga sulmet izraelite.
Top Channel
