Lëvizja Socialiste për Intergim ka reaguar nëpërmjet një deklarate zyrtare, të lëshuar për mediat, ku ka komentuar përshkallëzimin e protestës së opozitës së bashkuar.
Edhe në reagimin e partisë së dytë më të madhe opozitare, theksohet se faji është i Policisë së Shtetit, që provokoi përshkallëzimin në akte dhune të protestës.
LSI thekson në deklaratë se Policia nuk kontaktoi për asnjë moment me organizatorët e protestës, duke shkelur tërësisht ligjin.
GJithashtu, në deklaratë thuhet se efektivët e policisë dhe Gardës së Republikës, kanë përdorur “Lëndë Helmuese Luftarake” mbi protestuesit, duke dëmtuar shëndetin e tyre.
“Ju sigurojmë se LSI dhe Opozita po përpiqet të bëjë të pamundurën për t’i mbajtur protestuesit të qetë dhe nën kontroll, pavarësisht se provokimet e strukturave qeveritare të nisura prej disa ditësh tashmë, vazhdojnë ende të cënojne të drejtën e qytetareve për të protestuar për një ndryshim pozitiv”, thuhet më tej në deklaratën e LSI-së.
Top Channel
