Avioni përplaset me disa kamionë teksa zbriste në pistë, tre të plagosur 17/11 22:57
Kryeministrja britanike Theresa May po përgatitet të shtyjë votimin e dytë të parlamentit mbi marrëveshjen e saj Brexit, të paktën deri në fund të shkurtit, njoftoi të mërkurën gazeta Telegraph.
Shefi i kryeministrisë, ose kryetari i grupit parlamentar, tregoi në një mbledhje të kabinetit të martën, se votimi nuk do të zhvillohet javën e ardhshme, siç pritej, sepse May nuk do të ketë mundësi të rinegociojë marrëveshjen e saj në kohë, tha raporti, pa përmendur burimet e saj.
Muajin e kaluar, ligjvënësit britanikë hodhën poshtë marrëveshjen e parë të May-t, që përcaktoi kushtet me të cilat Britania do të dilte nga Bashkimi Evropian. Ata votuan për të kërkuar ndryshime në traktat.
Por BE nuk do të bëjë asnjë ofertë të re, tha të mërkurën Presidenti i Këshillit Europian, Donald Tusk, në prag të vizitës së kryeministres britanike në Bruksel, gjatë ditës së sotme.
Maj është vendosur për t’u treguar udhëheqësve të BE-së se duhet të pranojnë ndryshime të detyrueshme ligjërisht në marrëveshjet kufitare të Irlandës, ose të përballen me mundësinë e një Brexiti pa marrëveshje.
Londra dhe Brukseli po debatojnë nëse marrëveshja Brexit e arritur në nëntor mund të ndryshohet, duke ngritur mundësinë e një vonese për Brexit, një marrëveshje të minutës së fundit ose një dalje pa marrëveshje. Të martën, Telegrafi raportoi se ministrat kishin diskutuar vonimin e Brexit për tetë javë.
Top Channel
