BE deklaratë kundër Iranit: Ndalni programin bërthamor!

Irani ka zgjeruar programin e tij të raketave, veçanërisht raketat e tij balistike, duke kundërshtuar qëndrimin e Shteteve të Bashkuara dhe shprehjen e shqetësimeve nga vendet evropiane. Teherani thotë se programi është thjesht mbrojtës.

“Këshilli është i shqetësuar seriozisht nga aktiviteti i raketave balistike të Iranit dhe i bën thirrje Teheranit të përmbahet nga këto aktivitete”, tha BE në një deklaratë të rrallë të përbashkët mbi Iranin.

“Irani vazhdon të ndërmarrë përpjekje për të rritur gamën dhe saktësinë e raketave të saj, së bashku me rritjen e numrit të testeve dhe nisjeve operacionale. Këto aktivitete thellojnë mosbesimin dhe kontribuojnë në paqëndrueshmërinë rajonale”, shtohej më tej në deklaratë.

Një rezolutë e Këshillit të Sigurimit të OKB-së, që i përmbahet marrëveshjes bërthamore të Iranit me fuqitë botërore të vitit 2015, i bëri thirrje Teheranit që të përmbahet deri në tetë vjet nga puna në raketat balistike të dizajnuara për të ofruar armë bërthamore.

Irani thotë se testet e saj të raketave nuk janë në kundërshtim me rezolutën dhe mohon se raketat e saj janë të afta të mbajnë raketa bërthamore. Në deklaratën me 12 pika, Bashkimi Evropian tha se ishte i angazhuar për marrëveshjen e rëndësishme të vitit 2015 dhe mirëpriti zbatimin e angazhimeve të Iranit lidhur me programin bërthamor.

Megjithatë, blloku gjithashtu shprehu shqetësim lidhur me rolin e Iranit në rritjen e tensioneve në Lindjen e Mesme, duke përfshirë mbështetjen për grupet në Liban dhe Siri dhe forcat e vet Iranit në Siri. Përveç kësaj, ai u bëri thirrje të gjitha palëve të përfshira në Jemen, përfshirë Iranin, që të punojnë drejt përfundimit të konfliktit atje.

Blloku ishte gjithashtu kritik ndaj të dhënave të Iranit për të drejtat e njeriut, duke theksuar përdorimin e saj të dënimit me vdekje dhe duke i kërkuar atij të respektojë të drejtat e barabarta për gratë, vajzat dhe minoritetet.

Top Channel