Për shkak të zgjatjes së protestës, rektori i Universitetit të Tiranës, Mynyr Koni njofton shtyrjen e afatit të pagesës së tarifave të shkollimit, si dhe marrjen e masave për zëvendësimin e orëve mësimore të parealizuara.
Ky ka qenë vendimi i marrë ditën e sotme nga Rektorati i UT-së, pasi procesi mësimor në fakultete nuk është zhvilluar normalisht.
Mynyr Koni fton studentët të bëhen pjesë e një grupi pune, që do të realizojë planin e veprimit për përmirësimin e veprimtarisë së Universitetit të Tiranës, në lidhje me mësimdhënien, kërkimin shkencor, administrimin dhe transparencën në institucion.
Gjithashtu, ai u bën thirrje atyre që të rikthehen në auditore.
Top Channel
