Debate në KLP, Tiranës dhe Elbasanit i mungojnë 51 prokurorë
18/07 21:17
Një atentat ka ndodhur në Shkodër, paraditen e së mërkurës. Një tregtar peshku është qëlluar për vdekje me 8 plumba, ndërsa vrasësit me maska janë larguar me motor nga vendi i ngjarjes.
Viktima quhet Fatos Ferracaku, ndërsa i plagosuri është shoku i tij, Fatos Mehaj. Një motor është gjetur i djegur dhe dyshohet se është mjeti i atentatorëve.
Policia e Shkodrës ka dhënë detaje mbi këtë ngjarje të rëndë:
Sot rreth orës 11:15 në lagjen “Partizani” në vendin e quajtur ‘Merkata Rus’, dyshohet se dy persona me motoçikletë kanë qelluar me armë zjarri në drejtim të shtetasit F.F., i cili ka ndërruar jetë në Spitalin Rajonal Shkodër.
Nga të shtënat është plagosur dhe shtetasi F.M., i cili ndodhet jashtë rreziku për jetën nën kujdesin e mjekëve.
Në vendngjarje ndodhet grupi hetimor dhe po punon për sqarimin e rrethanave të ngjarjes.
Policia e Shkodrës e mbështetur nga FNSH Shkodër ka ngritur pika kontrolli dhe në gjithë zonën ku dyshohet se janë larguar autorët.
Policia ka gjetur dhe një mjet motoçikletë të djegur, që dyshohet se u përdor nga autorët, në lagjen ‘Guerrile”.
Po punohet intensivisht për identifikimin dhe kapjen e autorëve.
Policia e Shkodrës fton çdo qytetar që ka informacion dhe mund të ndihmojë, të telefojnë falas në nr 112!
Top Channel
