Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
Demokratja Kyrsten Sinema ka fituar një betejë të fortë për Senatin në shtetin e Arizonës, duke mposhtur republikanen Martha McSally.
Sinema bëhet kështu e para senatore demokrate e shtetit jugor që prej vitit 1994. Fitorja e saj e ngushton hendekun mes republikanëve e demokratëve në Senat në vetëm 4 vota (51 me 47).
Gjithsesi, dy gara të tjera për Senatin mbeten të pazgjidhura. Një balotazh do të mbahet më vonë gjatë këtij muaji në Mississippi. Në Florida gjithashtu, rezultatet jozyrtare ishin brenda marzhit prej 0.5 për qind, ndaj dhe u urdhërua rinumërimi në respekt të plotë të ligjit.
Por, teksa shumica e votave janë numëruar tashmë, Sinema ka marrë kryesimin me 1.7 për qind të votave ndaj rivales së saj. Ajo bëhet kështu senatorja e parë femër e Arizonës. Sinema, 42 vjeç, foli më vonë për mbështetësit e saj në Phoenix, duke theksuar nevojën për të kuruar grindjet e hidhura politike që po përçajnë amerikanët.
Ajo i bëri nderimet e saj kujtimit të senatorit të ndjerë John McCain, i cili përfaqësonte Arizonën në Senat, duke thënë se ai kishte vendosur një shembull të shkëlqyer sesi duhet vendosur interesi kombëtar mbi interesat partiak.
Congrats to @kyrstensinema. I wish her success. I’m grateful to all those who supported me in this journey. I’m inspired by Arizonans’ spirit and our state’s best days are ahead of us. pic.twitter.com/tw0uKgi3oO
— McSally For Senate (@MarthaMcSally) November 13, 2018
McSally, një 52-vjeçare dikur pilote luftarake, pranoi humbjen dhe përmes një videomesazhi të publikuar në Tëitter tha se e kishte telefonuar Kyrsten Sinema për ta uruar, teksa ishte bërë femra e parë senatore e Arizonës pas një beteje tejet të luftuar”.
Top Channel
