Trajneri i Kombëtares shqiptare, Christian Panucci ka publikuar listën e të grumbulluarve për ndeshjet që skuadra jonë do të luajë me Skocinë, për Ligën e Kombeve, si miqësoren me Uellsin.
Risia në listën e përpiluar nga tekniku italian i kuqezinjve është grumbullimi për herë të parë i mbrojtësit të Hajdukut të Splitit, Ardian Ismajli, si dhe të mesfushorit Loret Sadiku.
Po kështu është rikthyer në kombëtare edhe mbrojtësi i Metz, Ivan Balliu. Për sa i përket pjesës tjetër të skuadrës, nuk ka ndryshime.
Kombëtarja shqiptare do të luajë sfidën për Ligën e Kombeve me Skocinë, më 17 nëntor në orën 20:45 në “Loro Boriçi” të Shkodrës, ndërsa miqësoren me Uellsin do ta luajë më 20 nëntor në “Elbasan Arena”.
Top Channel
