Nisin votimet në SHBA, ja kur pritet të shpallet fituesi i zgjedhjeve presidenciale 05/11 11:17
Rusia planifikon të testojë disa raketa përreth rajonit të gadishullit Skandinav këtë javë, pikërisht në një zonë ku aleanca perëndimore e NATO-s është duke zhvilluar stërvitjen e saj më të madhe ushtarake që prej fundit të Luftës së Ftohtë, në një lëvizje që shihet si një përshkallëzim tensionesh në veri të Europës.
“Jemi njoftuar javën e kaluar mbi testet e planifikuara raketore të Rusisë, pranë brigjeve të këtushme”, deklaroi Sekretari i Përgjithshëm i NATO-s, Jens Stoltenberg, për reporterët e pranishëm në Norvegjinë perëndimore, aty ku po zhvillohet edhe stërvitja e quajtur “Trident Juncture 18”.
Stërvitja ka për qëllim të trajnojë aleancën e Atlantikut të Veriut të mbrojë një vend anëtar, në rastin e një agresioni hipotetik.
Nis në Norvegji stërvitja më e madhe e NATO-s pas Luftës së Ftohtë
Duke mobilizuar rreth 50 mijë trupa, 65 anije dhe 250 avionë nga 31 vende, vetëm pak qindra kilometra nga kufiri mes Norvegjisë dhe Rusisë në Arktik, stërvitja ka irrituar së tepërmi Moskën, e cila është zotuar të “hakmerret”.
“Pavarësisht përpjekjeve të vështira nga përfaqësues të aleancës dhe shtetet anëtare të saj, për ta prezantuar këtë aktivitet ushtarak me natyrë mbrojtëse, është më se e qartë se kjo shfaqje force është me natyrë antiruse”, thuhet në një deklaratë të Ministrisë së Jashtme ruse.
“Trident Juncture”, stërvitja më e madhe e NATO-s prej Luftës së Ftohtë. Ftohen rusët të vëzhgojnë
Ushtria ruse njoftoi javën e kaluar se do të dërgojë 4 anije në Atlantikun e Veriut për stërvitjen e saj. “Rusia ka një prani domethënëse të forcave detare në këtë zonë, – tha Stoltenberg këtë të martë. – Pres që Rusia të sillet në një mënyrë profesionale”.
Top Channel
