“Urimet më të përzemërta për ju dhe familjet tuaja”, Begaj për festën e Krishtlindjes: Reflektojmë mbi vlerat më të larta të njerëzimit 25/12 08:28
Ish-ministri Xhafaj ka reaguar me anë të një mesazhi në Twitter në lidhje me dorëheqjen e tij mëngjesin e sotëm, ku shkruan se ka marrë me qindra mesazhe vlerësuese.
Ai shkruan se dorëheqja e ishte me vullnetin e tij të lirë “dhe e bazuar në principe dhe vlera njerëzore e institucionale”.
Por tashmë që nuk do të jetë më ministër, ai sfidon opozitën, duke iu thënë se tashmë duhet të provojnë akuzat e ngritura ndaj tij
“Këto orë kam marrë me qindra mesazhe vlerësimi dhe respekti për punën e bërë, nga qytetarë të vendit tim, por edhe miq e partnerë me të cilët punova. Një pjesë e madhe nga socialistë, me të cilët kam bërë rrugë të gjatë në jetën time. Shumica dërrmuese e mesazheve nga njerëz të panjohur prej meje.
Ju jam sinqerisht mirënjohës për këto mesazhe inkurajuese. I siguroj të gjithë se dorëheqja ime është tërësisht me vullnetin tim të lirë dhe e bazuar në principe dhe vlera njerëzore e institucionale. Ajo është tërësisht respekt për veten, e për këto standarde të shenjta për mua.
Opozita me komentet për dorëheqjen time konfirmon edhe një herë degradimin e saj politik. Fatkeqësi për ata vete, por edhe për qytetarët. I sfidoj ata e cilindo, tanimë që nuk do të jem më Ministër të provojnë akuzat e bëra ndaj meje si Ministër.
Përbuz shpifjet e komentet neveritëse të kujtdo që nuk mund të kuptojë dot se ka edhe njerëz në politikë, që mund të jenë të lirë e vetvetja, në çfarë mendojnë e çfarë bëjnë. Ligësinë e pafytyrësinë e tyre thjesht e neveris me heshtjen time. Koha mbetet gjykatësi më i mirë për cilindo”, shkruan Xhafaj.
Top Channel
