“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Pas arrestimit të anëtarëve të grupit të “Avdylajve”, përgjimet kanë nxjerrë edhe biseda të tyre me kryetarin e Bashkisë Durrës, Vangjush Dako. Sipas PD, Dako është “Xhuxhi” që përmendet në përgjime, e për Edi Palokën këtë e dinë të gjithë.
Përmes një postimi në rrjetin social “Facebook”, deputeti demokrat, Edi Paloka, shkruan se pavarësisht mohimeve që Dako i bën akuzave, banorët e Durrësit e dinë për përfshirjen e tij me krimin, si edhe për kërcënimet që ai ka marrë për premtime të pambajtura.
“Xhuxhi, “supermani” që e di gjithë Durrësi se është zari i “të fortëve”. E kane rrahur me shpulla, e kane poshtëruar si kanë mundur. I kanë marrë dhe familjaret për “shëtitje me makine” kur ju ka vonuar plotësimin e premtimeve që ju ka bërë për zgjedhje. I mohoi të gjitha, por të gjitha i dinë durrsakët dhe nuk i fsheh dot as sot e ca me shumë nesër kur të mos ketë as të Gjatin as Artën apo Donikën që ta mbrojë. Janë aty; pronat publike, tenderat, lejet e të gjitha favoret që ju ka bërë, jo vetëm një bande. Vazhdon te bej “cubin” dhe te kërcënojë se votat i merr prape njësoj si djali i Rrahmanit në birucë për përdhunim apo si shefi i tij kryelegeni, nga karrigia e kryeministrit. Vazhdoni, për aq sa dhe shqiptaret te durojnë”, shkruan Paloka.
Top Channel
