Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Autoritetet norvegjeze lëshuan një të burgosur rus nga burgu të premten, pasi e mbajtën atë gati një muaj, me dyshimin për spiunazh.
Mikhail Bochkaryov u arrestua më 21 shtator në aeroportin e Oslo, pasi ai ishte gati të largohej nga vendi, pasi mori pjesë në një seminar ndërkombëtar mbi digjitalizimin në parlamentin e Norvegjisë.
Ai kishte mohuar keqbërjen dhe ministria e jashtme ruse kishte kërkuar që Norvegjia të heqë akuzat dhe të lirojë Bochkaryov, i cili u identifikua si një anëtar i stafit në Dhomës së Lartë të parlamentit rus.
Shërbimi i Sigurisë së Policisë së Norvegjisë (PST) kishte kërkuar të zgjasë paraburgimin e tij, por Gjykata e Rrethit Oslo hodhi poshtë kërkesën dhe la të lirë 21-vjeçarin rus.
“Ne vazhdojmë të hetojmë rastin. Asnjë vendim nuk është marrë për të ngritur ndonjë akuzë”, tha prokurori i PDT, Kathrine Tonstad për kanalin televiziv të TV2 të Norvegjisë.
Rasti nxiti autoritetet që të nxjerrin jashtë përdorimi disa printera pranë vendit të seminarit në parlament dhe të mbyllin dhomën e mbledhjes së punëve të jashtme dhe të komitetit të mbrojtjes, një kat poshtë.
Ambasada ruse në Oslo tha se po qëndronte atje dhe planifikonte të fluturojë në Moskë të shtunën. Ajo priste “një falje zyrtare” nga Norvegjia për arrestimin e tij, tha ajo në faqen e saj në Facebook.
Top Channel
