Çfarë sulmi ajror do të ndodhë në Kiev? Pas SHBA-së, edhe Spanja mbyll ambasadën në Ukrainë, zbulohet e-maili 20/11 12:07
Franca tërhoqi ministrin e financave nga një konferencë investimi e planifikuar për t’u mbajtur në Arabi, në përgjigje të zhdukjes së pashpjegueshme të gazetarit saudit Jamal Khashoggi, por shprehu besimin se marrëdhëniet midis aleatëve nuk do të dëmtohen.
Turqia thotë se Jamal Khashoggi, një kolumnist i Washington Post, i cili ishte kritik ndaj princit të kurorës Mohammed bin Salman, u vra nga agjentët sauditë në misionin diplomatik të Rijadit në Stamboll më 2 tetor dhe trupi i tij ui nda në copa, për t’u zhdukur, por Arabia Saudite e mohon akuzën.
Parisi dhe Rijadi gëzojnë marrëdhënie të ngushta diplomatike dhe tregtare që përfshijnë energjinë, financat dhe armët, por Franca, e cila e konsideron Arabinë Saudite si një kështjellë kundër ndikimit iranian në Lindjen e Mesme, tani përballet me një akt balancues delikat në reagimin e saj ndaj incidentit.
Presidenti Emmanuel Macron kërkoi të minimizonte rëndësinë e marrëdhënieve me Rijadin, duke thënë se mbretëria nuk ishte një klient i madh i Francës, por ministri i mbrojtjes Florence Parly u tha ligjvënësve të mërkurën se shitjet e armëve në Arabi ishin vendimtare për punët franceze.
Të enjten, Ministri i Financave Bruno Le Maire shtoi emrin e tij në një listë në rritje të ministrave të qeverisë, drejtuesve të shquar të biznesit dhe drejtuesve të institucioneve ndërkombëtare të cilët kanë anuluar pjesëmarrjen e tyre në një konferencë investimesh Saudite për shkak të shqetësimit rreth zhdukjes së Khashoggi.
Top Channel
