Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Ka nisur paraditen e sotme punimet Asambleja Kombëtare Partisë Socialiste.
Këtë asamble e hapi kryetari i grupit parlamentar të PS, Taulant Balla, i cili u shpreh se “duhet të trokasim në çdo familje shqiptare, duke e hapur Partinë Socialiste”. Më tej, ai tha se nëse opozita vazhdon me baltën, nuk do të merremi më me shterpësinë e saj politike.
Balla tha se lufta kundër “tepsisë” vazhdon, nuk e kemi fituar akoma, tha ai. Balla u shpreh se detyra gjatë këtij sesioni do të jetë finalizimi i reformës në drejtësi. “Duhet të mbyllim adresimet e raportit të OSBE-ODIHR”.
Ndërkohë, kreu i grupit të PS theksoi se në zgjedhjet lokale PS do të ketë aleatë vetëm qytetarët.
Në këtë asamble do të ketë një raport mbi performancën e përfaqësuesve të PS-së në qeverisjen vendore, raport kombëtar për procesin e bashkëqeverisjes si dhe raport mbi punën e grupit parlamentar të PS-së.
Gjithashtu, në këtë asamble do të nisë ngritja e strukturave koordinuese elektorale për zgjedhjet vendore të vitit 2019.
Pikat e tjera do të jenë udhëzimi për fillimin e fushatës kombëtare “E gjithë vëmendja tek ju”, miratimi i strategjisë “Partia Socialiste e hapur për ty”, raport mbi gjendjen aktuale të partisë digjitale dhe vendimi për unifikimin e regjistrit digjital të Partisë Socialiste.
Top Channel
