Rruga e vetme që lidh Beratin me Poliçanin, Skraparin dhe gjithë zonën, është dëmtuar së tepërmi kohët e fundit. Në një pjesë të mirë të këtij aksi nga Berati deri në fshatin Vërtop, rruga është prishur së tepërmi.
Asfalti është hequr nga punonjësit e mirëmbajtjes së rrugës dhe është hedhur në anë të saj. Pamjet tregojë se shumë pjesë të kësaj rruge janë çarë, duke u bërë kështu rrezik për aksidente.
Janë me qindra mjete që qarkullojnë çdo ditë në këtë rrugë, e cila është është një nga akset më të rëndësishëm të Qarkut të Beratit. Pamjet flasin qartë se çarjet e asfaltit në rrugë janë të mëdha dhe dëmtojnë mjetet që qarkullojnë në të.
Drejtuesit e mjeteve ankohen se qarkullojnë me mjaftë vështirësi dhe nëse ndodh që nuk i njeh problematikat e kësaj rruge mund të pësosh me dëmtime serioze të mjetit dhe aksident.
Një muaj më parë pikërisht në këtë aks rrugor një turist u aksidentua, ndërsa udhëtonte me motor dhe shkak i aksidentit rezultoi gjendja e rrugës.
Top Channel
