Ndryshimi i orës çdo pranverë dhe vjeshtë, duket se do të mbetet një gjë e së shkuarës. Kreu i Komisionit Europian Jean-Claude Juncker njoftoi se BE-ja planifikon të heqë dorë nga ndryshim i orës.
Vendimi vjen pas rezultatit të sondazhit ku nga 4.6 milionë qytetarë të unionit, 3 milionë kundërshtonin ndryshimin e orës.
Duket se edhe shqiptarët ndajnë të njëjtin qëndrim. Këtë e tregon sondazhi që Top Channel ka hapur në faqen e tij zyrtare, ku 76% e votuesve janë pro vendimit të BE-së.
Ndryshimi i orës erdhi gjatë Luftës së Parë Botërore dhe kishte për qellim kursimin e energjisë. Ndërkohë qytetarët thonë se ndryshimi I orës sjell çrregullim tek përditshmëria e tyre.
28 anëtarët e BE-së si edhe vende të tjera të Europës, e ndryshojnë orën dy herë në vit dhe duket se kjo nuk do të ndodhë më.
Top Channel
