Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Ish-ylli i kriketit, Imran Khan është zgjedhur kryeministër i Pakistanit në një votim në Asamblenë Kombëtare të vendit.
Partia e tij PTI fitoi shumicën e vendeve në zgjedhjet e korrikut, duke mundësuar që zoti Khan të bëhej kryeministër, edhe me ndihmën e partive të vogla, më shumë se dy dekada pas hyrjes së tij në politikë.
Ai do të betohet të shtunën.
65-vjeçari Khan do të trashëgojë një vend me një krizë ekonomike në rritje dhe është zotuar të krijojë një “Pakistan të ri”.
Ylli sportiv karizmatik, i cili e udhëhoqi Pakistanin në një fitore të Kupës së Botës më 1992, ka kohë që e ka lënë pas krahëve imazhin e tij si “playboy” dhe tani e shet veten si një reformator të devotshëm, populist dhe kundër varfërisë.
Në votimin e së premtes, Khan u mbështet nga 176 anëtarë. Kundërshtari i tij, Presidenti i Pakistanit, Shahbaz Sharif, mori 96 vota.
Duke folur pas rezultateve, kryeministri i zgjedhur u zotua për të sjellë “ndryshimin që ky popull dëshironte”, sipas mediave lokale.
Ai premtoi “përgjegjësi të rreptë” për ata që “plaçkitën këtë vend”.
Top Channel
