Operacioni Ndërkombëtar i Monitorimit (ONM) sërish nuk është bindur nga vendimi i Komisionit të Pavarur të Kualifikimit (KPK) dhe ka rekomanduar apelim të tyre për dy raste të tjera.
Bëhet fjalë për gjyqtarin e Gjykatës Administrative në Tiranë, Gentian Medja, i cili është kandidat për në Këshillin e Emërimeve në Drejtësi, dhe u konfirmua në detyrë më datën 1 Gusht nga ana e KPK-së. ONM-ja u ka paraqitur Komisionerëve Publikë rekomandimin për të apeluar vendimin për Medjan, në Kolegjin e Posaçëm të Apelimit.
Gjithashtu, rekomandim për apelim, ONM-ja ka bërë edhe për vendimin e KPK-së më datë 2 Gusht, për konfirmimin në detyrë të prokurorit të Prokurorisë së Krimeve të Rënda, njëherazi kandidat për Këshillin e Lartë të Prokurorisë, zotin Gentian Osmani.
Komisionerët Publikë kanë njoftuar se janë në pritje të marrin në dorëzim vendimet me shkrim nga ana e KPK-së, për t’i shqyrtuar dhe për të vendosur nëse do të kalojnë për apelim, apo do të mbeten në fuqi.
Rastet e sotme, çojnë në tre numrin e vendimeve të KPK-së, për të cilët ndërkombëtarët kërkojnë apelim, pas atij të pak ditëve më parë, për kryetarin e Gjykatës së Lartë, Xhezair Zaganjori.
Ky i fundit kaloi me sukses vettingun, por duket se ndërkombëtarët nuk u bindën me vendimin dhe u rekomanduan Komisionerëve Publikë të apelojnë këtë vendim.
Top Channel
