Pushime në mal; Në Razëm mes alpeve dhe freskisë
20/07/2018 20:20
Mori tre mijë euro ryshfete, GJKKO dënon me burg oficerin e policisë gjyqësore 28/12 16:16
Rruga e asfaltuar deri në qendër të Razmës, afërsia me Shkodrën, çmimet tepër konkurruese, klima kurative, qetësia, ushqimet tradicionale dhe bukuria natyrore janë këto disa nga arsyet pse Razma gjithnjë e më shumë po kthehet në një destinacionet kryesore të turizmit malor në veri të Shqipërisë.
Gerda Mulder ka ardhur nga Holanda për herë të parë në Razëm. Për atë, veriu i Shqipërisë është një magji.
“Malet e Shqipërisë janë magjepse. Kam shkruar një libër për Thethin, 5 vjet më parë. Është eksperienca ime mbi këtë vizitë. Njerëzit janë mikpritës, tejet të këndshëm. Vendimi për të shkruar këtë libër ishte në 2007, kur vizitova kullën e Thethit, të cilën ambasada financoj ta rikonstruktojë. Nuk do ta harroj kurrë atë vizitë, pasi ishte çdo gjë shumë bukur, kur hapa dritaret e bujtinës dhe pashë atë pamje madhështore të maleve, ajri, kafshët dhe bukuri të tjera”, u shpreh ajo.
Razma preferohet edhe nga pushuesit shqiptare.
“Razma e pëlqejnë se është vendi shumë i thjeshtë, ka ajër të pastër”, shprehet Elez Beçaj.
“Vendi i bukur, klimë e bukur. Çdo gjë këtu është bukuri”, thotë Taze Beçaj.
Vetëm 35 km larg nga Shkodra, zona turistike malore e Razmës në Malësi të Madhe përveç bukurisë natyrore është një oaz i ushqimeve bio, me recetat tradicionale të gatimeve.
Top Channel
