Vokshi: Kompania “Fusha shpk” nuk ka pronë në kufi me Teatrin Kombëtar

“Edi Rama do të fitojë të paktën 205 milionë euro për kullat. Pavarësisht se Rama e ndaloi kryeregjistruesin e pronave të informonte Parlamentin, PD ka zbuluar mashtrimin e madh. E vërteta është se “Fusha shpk” nuk është pronar kufitar me pronën e teatrit, siç thotë qeveria. Ajo ka vetëm 298 metra katrorë në pronësi, jo në kufi me teatrin”, deklaroi Vokshi.

“5522 metra katrorë janë pronë e Teatrit Kombëtar, që do të grabitet për t’iu dhënë kompanisë “Fusha shpk”. 2100 metra katrorë janë pronë e Bashkisë Tiranë. 298 metra katrorë i ka “Fusha shpk” jo në kufi me teatrin. Edi Rama dhe kukullat e tij Veliaj dhe Kumbaro kanë gënjyer Kuvendin. Kjo është arsye që Presidenti të mos e dekretojë ligjin korruptiv”, shtoi Vokshi.

Top Channel