Bebja Trump, gati të hedhë “hapat e parë”

Kryebashkiaku i Londrës, Sadik Khan, ka dhënë leje që tullumbacja e mbushur me helium, gjashtë metra e gjatë, të fluturojë. Organizatorët mblodhën rreth 18 mijë paund për të mbuluar koston e tullumbaces dhe më shumë se 10 mijë persona nënshkruan një peticion që kërkonte që asaj t’i jepej leja për fluturim, por, në anën tjetër, ka edhe nga ata që e cilësojnë atë mungesë respekti dhe fyese.

Trump do të mbërrijë në Britaninë e Madhe të enjten, për një vizitë pune dy ditore. Ai është presidenti i 12 amerikan në detyrë që e bën një udhëtim të tillë dhe do të takohet me mbretëreshën dhe kryeministren para se të fluturojë drejt Skocisë për të kaluar fundjavën në resortin e tij të golfit.

Mijëra persona pritet të protestojnë kundër vizitës së tij në Britani, pas të cilës, ai do ti drejtohet Helsinkit, kryeqytetit finlandez, për takimin e parë zyrtar me Vladimir Putin, më 16 korrik

Top Channel