Berisha viziton Gjekmarkajn në Spitalin e Traumës, deputeti i PD: Më shtynë në kraharor dhe mbeta pa frymë! Niset drejt QSUT
23/12 22:43
Një ditë pasi denoncuan nismën e qeverise për shembjen e Teatrit Kombëtar, deputetët e Partisë Demokratike iu bashkuan nismës për nënshkrimin e peticionit që e kundërshton këtë projekt. Albana Vokshi i beri thirrje presidentit meta qe ta ktheje mbrapsht ligjin që pritet të miratohet këtë të enjte.
Ajo tha për mediat se “PD është seriozisht e angazhuar për t’i thënë ndal këtij akti kriminal dhe antikushtetues”.
“Iu bëj thirrje autoriteteve më të larta për të mos lejuar miratimin e një ligji mafioz që është një akt kriminal antikushtetues. Sikurse ju e keni tashmë të qartë Edi Ramës nuk i intereson arti dhe kultura. Atij i intereson që të shembë teatrin, pavarësisht se cilësohet trashëgimi kulturore, për të ngritur në këtë territor ,me një akt antiligjor, 6 kulla nga kompania “Fusha”. Tre prej kullave do të ngrihen brenda territorit të teatrit”, tha Vokshi.
Sipas deputetes së PD, kryeministri Rama “do të fitojë 205 milionë euro me një puç kushtetues”.
“Jam këtu për t’i bërë thirrje deputetëve të PD dhe PS për të firmosur peticionin, pasi kjo është një çështje që i takon të gjithë Shqipërisë. Të bëhemi bashkë për ta mbrojtur Tiranën që të mos kullëzohet më tej me para të drogës dhe korrupsionit. Të gjithë qytetarët të bashkohen me rezistencën e artistëve, shoqërisë civile dhe arkitektëve, për t’i thënë ndal një kryeministri barbar që do të “mbjelli” kulla për të pastruar paratë e drogës”, theksoi Vokshi.
Top Channel
