Shishtaveci që shtrihet në lartësinë e 1500 metrave në trekëndëshin kufitar Shqipëri-Kosovë-Maqedoni është ende shumë larg për ta merituar emërtimin fshat turistik.
Investimet që kanë tjetërsua gjithë infrastrukturën e fshatit, nuk kanë zgjidhur problemin e mbetjeve. Pirgje me mbeturina të krijuara në hyrje të fshatit e plehrat e bagëtive në rrugët e brendshme po kthehen në rrezik serioz jo vetëm për shëndetin e banoreve, por edhe për zhvillimin e turizmit. Banorët fajësojnë veten, por edhe Bashkinë Kukës për gjendjen e krijuar.
Përballë kësaj situate Kryetari i Bashkisë Bashkim Shehu, përmes një thirrje të hapur i është drejtuar banorëve që të jenë me bashkëpunues për zhvillimin e zonës.
Shishtaveci është në hartën e destinacioneve që presin vizitorë, ndaj turizmi vlerësohet si prioritet për zhvillimin e kësaj zone, nga grykëderdhja e Vanave deri në Kallabak.
Këtu janë investuar rreth 2 milionë euro për infrastrukturën e fshatit, rrugën lidhëse me Doganën dhe rrugën Kukës-Shishtavec, që dita-ditës po bëhet e paqarkullueshme dhe rrezikshme për automjetet për shkak të dëmtimeve të shumta dhe rënies së gurëve apo shkëmbinjve.
Top Channel
