Në Barcelonë protestohet kundër rritjes së çmimeve të qirasë 24/11 11:49
Lëvizja e parave të paligjshme në kufijtë e jashtëm të saj e ka vënë në lëvizje BE-në. Shumat “cash” që qarkullojnë prej grupeve kriminale paraqesin një kërcënim për sistemin financiar dhe tregun e brendshëm, e kjo e ka shtyrë krahun ekzekutiv të bllokut, Komisionin Europian, të përmirësojë direktivën ekzistuese, duke e plotësuar me një rregullore të re.
Qëllimi i kësaj të fundit është pikërisht parandalimi dhe zbulimi i parave të pista, ose atyre të përdorura për financimin e terrorizmit, duke vendosur për këtë arsye një sistem kontrolli mbi personat fizike që hyjnë apo dalin nga BE-ja, me më shumë se 10 mijë euro “cash”, apo ekuivalentin e tyre në monedha të tjera.
Komisioni kërkon një bashkëpunim më efikas nëpërmjet shkëmbimit të informacioneve mes autoriteteve kompetente, me qëllim përmirësimin e situatës aktuale, në një kohë kur vihet re një qasje e limituar ndaj informacionit statistikor dhe ka shumë pak tregues në dispozicion mbi nivelin real të këtyre parave ilegale në qarkullim.
Kjo shihet si e një rëndësie kyçe në frenimin e këtij fenomeni, ndaj dhe i mëshohet idesë se sistemi aktual duhet rishikuar për të parë nëse ka pengesa lidhur me kalimin e drejtpërdrejtë të informacionit. Ndër masat e tjera të planifikuara prej tij është edhe publikimi i informacionit statistikor në faqen e tij të internetit.
Top Channel
