Ish-presidenti rus: Udhëheqësi konservator gjerman po synon ta përshkallëzojë luftën 12/11 20:03
Barak dhe Mishel Obama po bashkëpunojnë me Netflix për të prodhuar filma, seriale dhe programe televizive. Gjiganti amerikan njoftoi se kishte lidhur një kontratë shumëvjeçare me ish presidentin dhe zonjën e parë.
Detajet e sakta lidhur me prodhimet nuk u bënë të ditura. Më vonë, edhe ish banorët e Shtëpisë së Bardhë pohuan në një deklaratë profesionin e tyre të ri.
“Një prej kënaqësive të thjeshta gjatë kohës së presidencës sime, ishte të takonim njerëz interesantë e t’i ndihmonim ata të ndanin eksperiencat me publikun e gjerë. Për këtë arsye, unë dhe Mishel jemi shumë të entuziazmuar partneritetin me Netflix. Shpresojmë të kultivojmë dhe të kujdesemi për zërat e talentuar, frymëzues dhe krijues, të cilët janë në gjendje të promovojnë empati dhe mirëkuptim më të madh mes njerëzve”, tha ish lideri amerikan.
Ndërsa bashkëshortja e tij pohoi se gjithnjë kishin besuar në fuqinë e historive për frymëzimin e njerëzve.
“Shërbimi i pakrahasueshëm i Netflix do të na mundësojnë të realizojmë historitë që duam të ndajmë me të tjerët dhe po presim me padurim të nisim partneritetin e ri”, ishin fjalët e Mishel.
Kur nisën të qarkullonin zërat për bashkëpunimin e mundshëm të çiftit Obama me Netflix më herët gjatë vitit, New York Times tha se ide e mundshme ishte moderimi i debateve nga ana e Mishel Obamës për çështje të tilla si kujdesi shëndetësor, ndryshimet klimatike dhe emigracioni. Por sipas gazetës, programi nuk do të përdorej për të sulmuar kritikët konservatorë apo Donald Trumpit.
Top Channel
