Debate për vettingun, Manjani: Vendime selektive. Visha: Po jep frytet

“Seancat janë maskaradë! Janë si gjyqet që e nisen si në kohën e Enver Hoxhës. Nuk mund t ëbëhet vetting vetëm në një komponent. Duhet të bëhen me dyer të mbyllura. Nuk ishte qëllimi i vettinguttë ngrinte një ILDKP të dytë. Ne e kmi një ILDKP, s’mund të flitet vetëm për pasurinë, por janë tre komponente, janë pastërtia e figurës dhe aftësia profesionale. Gjyqtari flet me vendime dhe të shikohet edhe cilësia e vendimeve”, thotë Ylli Manjani.

Të kundërtën mendon kreu i Shoqatës së Avokatëve Penalistë.

“Vettingu i ka dhënë frutet e para për aq kohë se edhe institucionet vetë kanë filluar të japin efektet e para duke i dhënë të drejtën qytetarit, të pandehurit, paditësit. Aktualisht kemi një zgjim të gjyqësorit dhe prokurorisë, pavarësisht problemeve të shumta që kanë”, deklaron Saimir Visha.

Por, nga ana e tij Manjani shikon përtej panoramës së sotme. Ai nuk ka shpresë se me këto ritme të vettingut mund të duket në horizont ngritja e Strukturës së Posaçme antiKorrupsion dhe e Gjykata kundër Korrupsionit dhe Krimit të Organizuar.

“Pra, Këshilli i Lartë Gjyqësor dhe Këshilli i Lartë i Prokurorisë, që është zemra e reformës, pa këto dy institucione nuk funksionon reforma, po goditen. Keni parasysh që pa KLGJ dhe KLP nuk ndihet as struktura antikorrupsion. Kujt i intereson që të mos luftohet korrupsioni? Sigurisht që qeverisë dhe as SPAK nuk ngrihet dhe asgjë nuk ngrihet, po nuk u ngritën këto dy institucione. I pengon vettingu dhe do të duhet të ripërsëritet gara dhe në këto kushte qeverisë i intereson të vazhdojë me përkohshmërira”, deklaron Ylli Manjani.

“Duhet të kemi një ripërsëritje të garës, ose çerek gare nga e para, për të plotësuar këto vende sa më parë, sepse ngritja e SPAK është domosdoshmëri.

Seancat e parë dëgjimore ndaj gati 800 përfaqësuesve të gjyqësorit ka nisur në datën 21 mars. Deri më tani kanë dalë para KPK gjashtë gjyqtarë e prokurorë, që do të thotë një në javë. Nëse vazhdohet me këto ritme, atëherë fundi i 2018 do të vulosë vetëm fatin e 58 subjekteve të para prioritare.

Top Channel