Sot është dita e tokes, një ditë e cila synon të ndërgjegjësojë njerëzit për të mbrojtur qytetet, tokën dhe natyrën. Por sot Tirana provoi ndotjen e ajrit më të rëndë në gjithë historinë e saj.
Një re e madhe toksike u ngrit në ajër nga djegia e një fabrike të riciklimit të mbetjeve plastike. Në ambientet e saj kanë qenë të depozitua me qindra ton mbetje plastike, e cila prej orës 10 të mëngjesit e deri pasditen e së dielës ka vijuar të digjet duke shkarkuar në ajër sasi të mëdha dioksinë dhe gazesh të tjera të rrezikshme për shëndetin.
Banorët e zonës dhe punonjësit e ndërmarrjeve pranë kësaj fabrike, por edhe shumë banorë të Tiranës kanë ndjerë sot dhimbje koke, të shkaktuara nga kjo ndotje e ajrit.
Pa vënies nën kontroll të flakëve, zona është vënë nën kontrollin e policisë ku grupi hetimor po punon për të gjetur shkaqet e zjarrit.
Mësohet se do të merren në pyetje personat që ishin përgjegjës për sigurinë, e për procedurën që ndiqej në rast zjarri.
3 zjarrfikës janë asfiksuar në betejë me flakët, e është nevojitur edhe ndërhyrja e ambulancës për t’u dhënë ndihmën mjekësore.
Top Channel
