Izraeli sulmon qendrën e Bejrutit, godet një ndërtesë të banuar, 11 të vrarë dhe 60 të plagosur 23/11 13:52
Ai u zgjodh nga Asambleja Kombëtare kubane si president i Këshillit të Shtetit dhe Këshillit të Ministrave. Miguel Diaz Canel, shefi i parë i shtetit kuban që nga Revolucioni i vitit 1959, që nuk mban mbiemrin Castro, bëri betimin në këtë post të rëndësishëm.
Diaz-Canel, 57 vjeç, është lindur edhe vet pas revolucionit. Ai ishte i vetmi kandidat për postin dhe u zgjodh me votat pro të 603 nga 604 deputetët e Parlamentit të Havanës, për një mandat pesëvjeçar.
Ai do të pasojë Raul Castron, duke i dhënë fund kështu 6 dekadave të sundimit të vëllezërve Castro. Sidoqoftë, Raul Castro pritet të vazhdojë të ketë ndikim në vendin komunist, edhe pas largimit nga posti.
Në fjalimin e tij të betimit, Diaz-Canel tha se mandati i tij kishte si qëllim të siguronte vazhdimësinë e revolucionit kuban, në këtë moment të rëndësishëm historik.
“Politika e jashtme e Kubës do të mbetet e pandryshuar dhe çdo ndryshim i nevojshëm do të vendoset nga populli kuban”, tha Miguel Diaz-Canel, presidenti i ri i Kubës.
Diaz-Canel, më herët zëvendëspresident, pritet të ndjekë reformat e nisura nga Castro për të hapur ekonominë e Kubës për sipërmarrësit e vegjël privatë, e për të arritur një afrim me armikun e Luftës së Ftohtë, Shtetet e Bashkuara të Amerikës.
Që prej vitit 2015, Havana dhe Uashingtoni kanë rivendosur lidhjet diplomatike.
Top Channel
