Marshimi në Elbasan/ Vrasja e Martin Canit, qytetarët bëjnë apel për sensibilizim
27/11 19:57
Pacientët me kancer gjiri duhet të trajtohen me herceptinë, një herë në tre javë, pa ndërprerje. Nëse e ndërpresin, sipas mjekëve ka pasoja të rënda në shëndetin e pacientit.
Në shërbimin Onkologjik ka pacientë në listë pritjeje që prej dy muaj që kanë ndërprerë trajtimin. Po nga ana tjetër, kompania që importon hereceptinën e ka sjellë atë në Shqipëri, por për shkak të procedurave ligjore nuk tërhiqet në QSUT.
Mjekët në shërbimin onkologjik janë nën presionin e pacientëve të cilët më të shumtët nuk janë nga Tirana, por nga rrethe të ndryshme të Shqipërisë.
Për t’u trajtuar me herceptinë u duhet të marrin rrugën e të vijnë në Tiranë. Shpesh ka ndodhur që ata kanë ardhur dhe janë kthyer pa e marrë trajtimin për shkak të mungesës së herceptinës.
Dikush ka mundura ta blejë edhe vetë ndonëse nuk e tregojnë se ku. Të tjerëve u është thënë se do të njoftohen nëpërmjet numrit të telefonit që kanë të regjistruar në kartelën mjekësore për seancën e radhës, me të mbërritur herceptina.
Ditën e premte janë trajtuar me herceptinë 60 pacientë. Askush nuk ka një përgjigje se kur do të jetë sasia tjetër e herceptinës që do të mbërrijë në shërbimin onkologjik. Burime nga Ministria e Shëndetësisë thonë se qeveria e ka arritur marrëveshjen me kompaninë importuese për ta marrë me çmim të ulët herceptinën në mënyrë që të sigurohet trajtimi për të gjithë pacientët që kanë nevojë.
E ndonëse herceptina ka mbërritur në depo farmaceutike në Shqipëri përgjigja e e vetme që jepet se kur do të rinisë trajtimi i pacientëve që e kanë ndërprerë, është: Së shpejti.
Top Channel
