Takimi i Trump me Putin po përgatitet, çfarë pritet të ndodhë?! 11/01 07:58
Dhjetëra mijëra persona dolën rrugëve të qytetit siberian, Kemerovo, të irrituar me zyrtarët rusë pas zjarrit vdekjeprurës në kompleksin e një qendre tregtare, që la të paktën 64 persona të vdekur, 41 prej të cilëve fëmijë.
Presidenti Putin shkoi në Kemerovo më herët gjatë kësaj të marte, e bëri fajtore “neglizhencën kriminale” për ngjarjen e së dielës.
Të afërm të atyre që ndodheshin në qendrën tregtare përpara zjarrit thonë se ende 85 persona rezultojnë të zhdukur, shumica e të cilëve fëmijë, siç raporton agjencia e lajmeve “Interfax”.
Hetuesit thonë se alarmi i zjarrit ishte fikur, ndërsa daljet e emergjencës ishin bllokuar pas rënies së zjarrit.
Mijëra personat që u mblodhën jashtë selisë së qeverisë lokale gjatë kësaj të marte, kërkuan që drejtuesit e tyre të shkarkoheshin pas problemeve të theksuara të mungesës së sigurisë nga zjarri në kompleksin e fatkeqësisë. Pati gjithashtu thirrje që i drejtoheshin presidentit rus, të cilit i kërkohej dorëheqja.
Shkaku i zjarrit ende nuk dihet, por Komiteti Hetimor rus ka folur për “shkelje serioze” në qendrën tregtare. E mërkura është shpallur ditë zie kombëtare anembanë Federatës Ruse, me dekret presidencial nga Putini.
Një grua tërhoqi të gjithë vëmendjen e turmës së mbledhur në Kemerovo, kur tha:
“Fëmijët telefonuan prindërit e tyre, kërkuan ndihmë. Kërkuan që zjarrfikësit të dërgoheshin me urgjencë në vendngjarje”.
Por, si përgjigje, atyre iu erdhi kërkesa e zyrtarëve lokalë për t’u shpërndarë, gjë që irritoi edhe më tej protestuesit që qëndruan për mbi 7 orë aty.
Top Channel
