Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
Presidenti amerikan Donald Trump ka folur me homologun e tij rus, Vladimir Putin gjatë kësaj të marte, sipas asaj që komunikon një zyrtar i administratës me agjencinë e lajmeve “Reuters”, që gjithsesi mbetet i rezervuar në detaje.
Shtëpia e Bardhë kishte planifikuar publikimin e një deklarate mbi bisedën mes tyre gjatë kësaj të marte, thotë zyrtari në fjalë në kushtet e anonimatit.
Putin u rizgjodh president i Rusisë gjatë së dielës, duke e zgjatur qëndrimin e tij në skenën politike edhe për 6 vite të tjera.
Zv.ministri i Jashtëm rus, Sergei Ryabkov tha të martën se, ai shpresonte që fitorja e Putinit të çonte drejt një shkrirjeje të marrëdhënieve mes Shteteve të Bashkuara dhe Rusisë, siç raporton agjencia ruse e lajmeve “RIA”.
Ryabkov është cituar të ketë thënë gjithashtu se shpreson që fitorja të shtyjë disa politikanë amerikanë që të ndalin izolimin e Rusisë dhe se Moska ishte e hapur për dialog me Uashingtonin.
Shefi ekzekutiv i Bashkimit Europian, Jean-Claude Juncker publikoi një letër me urimet për Putinin të martën, duke thënë se Rusia dhe Europa duhet të “rivendosin rendin bashkëpunues mbi sigurinë paneuropiane”.
Duke parë lidhjet Lindje-Perëndim në nivelet më të ulëta që prej Luftës së Ftohtë, letra uruese e Junckerit erdhi pas shprehjes së shqetësimeve mbi Rusinë nga ministrat e Jashtëm të BE-së, ditën e hënë, mbi sulmin me agjent nervor ndaj ish-spiunit rus në tokën britanike. Veprim për të cilin, Moska mohon të ketë gisht.
Top Channel
