Kinezi i vogël që i bllokoi celularin nënës së tij për 47 vitet e ardhshme

Ata hapin aplikacione, shikojnë foto dhe kërkojnë gjërat që u interesojnë me lehtësi të jashtëzakonshme. Por, bëjnë edhe gabime, si në rastin e një vogëlushi kinez, i cili i bllokoi mamasë së tij celularin për 47 vitet e ardhshme.

Sipas “South China Morning Post”, pasi ia mori djalit nga duart telefonin, në ekran pa të shkruar: “Nuk mund të përdoret për 25 milionë minutat e ardhshme”. Djali e kishte futur gabim kodin e zhbllokimit shumë herë dhe rezultati ishte i denjë për një rekord Guiness.

Sipas teknikëve të Apple, zgjidhja e vetme në raste të tilla është formatimi i celularit. Ata thanë për gazetën kineze se nuk ishte hera e parë që merrnin një telefonatë për këtë çështje. Një burrë e kishte bllokuar më parë telefonin për 80 vitet e ardhshme.

Gruaja priti disa muaj për të parë nëse problemi zgjidhej vetë, por në fund kërkoi ndihmën e profesionistëve.

“Nuk mund të lija të kalonin 47 vite dhe t’i thoja nipit tim: shiko se çfarë ka bërë babai yt. E formatova dhe humba të gjitha çfarë kisha në celular”, tha gruaja.

Top Channel