Rektori i Universitetit të Tiranës, Mynyr Koni, shpjegon për Top Channel se i kujt është faji që pedagogët ende nuk janë paguar. Koni shpjegon se paratë janë dhe se administratorët nuk e bënë punën e tyre. Ndërkohë që sipas rektorit përgjegjësi mban edhe Ministria e Arsimit për mospërgatitjen e akteve nënligjore.
Top Channel: Ku qëndron teknikisht problemi? Çfarë ka çaluar në vendimmarrje që ka shkaktuar këtë ngërç financiar duke mos paguar rreth 15 mijë punonjës të universiteteve publike por edhe të administratës?
Mynyr Koni: Pritja e daljes së një akti nënligjor ka shkaktuar bllokimin e fondeve të transfertës në thesar. Të ardhurat e trashëguara nga 2017 janë të mjaftueshme për të realizuar pagesat në Universitetin e Tiranës. Ky veprim nuk është bërë as nga bordi as nga administratori.
Top Channel: Z. Koni a lidhet kjo problematike me ligjin e ri të Arsimit të Lartë?
Mynyr Koni: Sigurisht, por çështja e pagave ka të bëjë me një akt nënligjor që ka të bëjë me modelin e financimit dhe zbatimit të këtij modeli që pritet nga 2 ministritë sipas ligjit të arsimit të lartë”
Top Channel: A ka një politikë për tu përballur me mbivendosjen e kompetencave mes bordit të administrimit dhe rektoratit të ut?
Mynyr Koni: Është e vërtetë që në ut ka problematika të funksionimit të kompetencave të bordit, administratorit, senatit , rektorit. problematikat e pagave për punonjësit në rektoratin e ut janë shfaqur që në muajin mars dhe në mënyrë të vijueshme. Aktualisht janë 7-8 punonjës që kanë 8 muaj pa rroga, për shkak se administratori nuk i quan punonjës, një e drejtë që ligji nuk ja jep.
Koni thotë se nuk është njoftuar zyrtarisht as nga ministria e arsimit, as nga bordi i administrimit dhe as nga administratori për bllokimin e pagave.
Në këtë situatë ka kontaktuar Ministrinë e Arsimit, e cila ka premtuar se pagat do të lëshohen të hënën ose maksimalisht të mërkurën.
Top Channel
