Menjëherë pas transmetimit në Top-Channel të problematikës në autostradën Tiranë-Durrës, firma e kontraktuar për mirëmbajtjen e rrugës reagoi duke mbushur gropat e thella në aksin Vorë-Maminas që ishin kthyer në burim aksidentesh.
Por sipas ekspertëve, “arnimi” nuk është një zgjidhje përfundimtare e këtij problemit.
Reshjet e shiut, por edhe mjetet e tonazhit të rëndë, me kalimin e kohës hapin sërish gropat. Autostrada Tiranë-Durrës nuk është e vetmja rrugë ku segmente të caktuara nuk përmbushin standardet e sigurisë rrugore.
Policia i ka kërkuar autoritetit rrugor shqiptar ndërhyrjen në dhjetëra akse. Ndër rrugët kryesore ku kërkohet ndërhyrje riparuese apo në sinjalistikë janë segmente të autostradës Tiranë-Elbasan, por edhe Lushnje-Fier.
Top Channel
