Një fuoristradë me dy pasagjerë, burrë e grua, u bllokua pak çaste më parë nga ujërat e lumit Vjosë, në Selenicë të Vlorës.
Fuoristrada, e cila ka qenë duke udhëtuar në zonat e prekura nga reshjet e dendura të shiut të një dite më parë, që sollën fryrjen e lumit Vjosa dhe daljen e tij nga shtrati, ishte spostuar nga ujërat në vendin e quajtur Bishti i Malit.
Pasagjerët ishin të frikësuar dhe në gjendje paniku, ndërkohë që shumë shpejt mbërriti një helikopter i Forcave të Armatosura, që i evakuoi ata nga fuoristrada e bllokuar.
Top Channel
