Defekte në rrjetin elektrik, OSHEE: Avari në disa zona rurale
04/02/2018 09:42
Për rreth një orë, bashkëshorti i Ermonela Felajt dëshmon në SPAK 27/09 11:22
Moti i keq i dy ditëve të fundit ka shkatuar avari në rrjetin elektrik të disa zonave të vendit, kryesisht ato rurale ku, sipas OSHEE, janë shfaqur 90% e defekteve.
“OSHEE po ndjek me përparësi furnizimin me energji elektrike të të gjithë konsumatorëve nëpërmjet rrjetit shpërndarës të energjisë elektrike nga Drejtoria e TL dhe Drejtoritë Rajonale përkatëse. Në gatishmëri janë vendosur rreth 2200 punonjës, në nënstacione, fidra dhe nivel kabinash. Rajonet më të prekura nga defektet janë Elbasani, Gjirokastra dhe Vlora. Për shkak të kushteve të rënduara atmosferike, hasim në vështirësi për riparimin e defekteve, sidomos në zonat rurale ku kryesisht linjat janë ajrorë dhe terren i lagësht”, lexohet në njoftimin e OSHEE.
“Theksojmë se për shkak të motit të keq me erëra dhe reshje të dendura që ka përfshirë vendin, afro gjysma e linjave që nuk punojnë janë stakuar nga vet OSHEE si masë sigurie për të evituar rreziqet në rrjetin shpërndarës të energjisë elektrike”, shton më tej njoftimi.
Top Channel
