Protesta e 26 nëntorit, PD zbulon akset që do të bllokojë në Tiranë dhe deputetët që do të jenë në “front” 24/11 18:41
Në Komisionin për Politikën e Jashtme, ministri Ditmir Bushati ishte thirrur për një seancë dëgjimore, ku në rendin e ditës ishin negociatat me Greqinë dhe votimi i Shqipërisë në Asamblenë e Përgjithshme të OKB-se, lidhur me rezolutën për njohjen e Jeruzalemit kryeqytet të Izraelit.
Por, opozita e përjashtoi këtë të fundit, duke e quajtur një proces të vonuar dhe që nuk është trajtuar në kohën e duhur. Opozita ka përgatitur një projekt rezolutë për ta votuar në Kuvend e për të ndryshuar votën e Shqipërisë në Asamblenë e OKB-së për Jeruzalemin e për t’u bashkuar me vendet që dolën në krah të Shteteve të Bashkuara të Amerikës.
“Nuk duam ta diskutojmë më këtë çështje. Ne kemi një qëndrim tashmë politik për votën e Shqipërisë kundër Shteteve të Bashkuara në OKB”, deklaroi deputeti i PD-së, Edi Paloka.
Përsa u përket bisedimeve me Greqinë, ministri Bushati tha se është një proces që vazhdon.
“Shporta e luftës, për hir të së vërtetës është një shportë e pasur për fat të keq. Çfarë po bëhet me 500 mijë shqiptarët që jetojnë në Greqi? Si mund të bashkëpunojmë dhe kërkojmë më shumë të drejtë dhe lehtësi për ta? Me Greqinë ende nuk kemi përfunduar çështjen e regjimit kufitar, qoftë në det, ashtu edhe në tokë”, deklaroi ministri Bushati.
Bushati tha se ka biseduar edhe me Presidentin Ilir Meta në lidhje me ecurinë e bisedimeve, ndërsa e quajti marrëveshjen e 2009-ës si kuturu dhe pa protokolle, ku sipas tij, Lulzim Bashës nuk i vuri njeri armën tek koka për ta firmosur atë.
Top Channel
