Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Në Cape Town, të Afrikës së Jugut, e quajnë Dita Zero…ditën kur nga rubinetat nuk do të dalë më ujë. Pak ditë më parë, zyrtarët e qytetit thanë se kjo ditë do të jetë 22 prilli.
Këtë javë, ata e zhvendosën datën më herët, më 12 prill. Cape Town është qyteti i dytë më i madh në Afrikën e Jjugut dhe një atraksion i madh turistik. Tani, banorët, po luajnë një lojë të re, atë të matematikës së ujit, çdo ditë. Ata riciklojnë ujin e banjës për të pastruar tualetet.
Kanë vendosur një limit për dyshet deri në 90 sekonda dhe dezinfektuesit e duarve tani janë një produkt që shitet shumë. Duart e palara, tani janë një shenjë e përgjegjshmërisë sociale, thotë një banor.
Por si ka arritur qyteti deri këtu. Ka qenë në fakt një krizë e ardhur ngadalë, e përkeqësuar nga tre faktorë të kombinuar bashkë. Thatësira më e madhe në më shumë se një shekull, popullata prej 4 milionë banorësh e që vazhdon të rritet shpejt si edhe ndryshimet e shpejta klimaterike. Autoritetet e qytetit kanë ulur presionin në rubineta por përdorimi vazhdon të jetë rreth 86 milionë litra mbi objektivin e përcaktuar për ti bërë ballë krizës.
Top Channel
