Reshjet, përmbytet Durrësi
22/01/2018 08:10
Megaoperacioni i SPAK, mes të arrestuarve edhe Bujar Shega, “krahu i djathtë” i të shumëkërkuarit Suel Çela 25/11 21:46
Reshjet e vazhdueshme të shiut kanë shkaktuar përmbytje në disa prej rrugëve të qytetit bregdetar të Durrësit. Mbrëmjen e së dielës në ndihmë të banorëve dhe bizneseve të rrezikuara nga uji është angazhuar shërbimi zjarrfikës.
Zjarrfikësit që po punojnë për thithjen e ujërave nga hyrjet e pallateve dhe bizneseve, duke u ardhur në ndihmë qytetarëve të izoluar në to. Më problematike paraqitet situata në lagjen 17, po probleme ka dhe në lagjet 5 e 18 të qytetit, si dhe në Plazh.
Në këto zona, kryqëzime rrugore dhe trotuare ndodhen pushtetin e ujit duke vështirësuar ndjeshëm qarkullimin e këmbësorëve dhe automjeteve. Ujërat e zeza gjithashtu kanë dalë në sipërfaqe në disa prej akseve rrugore, brenda zonave të banimit.
Nevoja për ndërhyrje në të gjithë rrjetin e kanalizimeve dhe kullimit mbetet emergjente, ndërsa nga bashkia deklarohet se ka nisur puna për rehabilitimin e kanalit të madh kullues që do të zgjidhë problemin e përmbytjeve në qytet.
Top Channel
