Kërkimet për eshtrat e grekëve, Athina përshëndet gërmimet në Dragot

Ministria e Jashtme greke ka lëshuar një deklaratë për shtyp ku e quan nisjen e punimeve, një hap të rëndësishëm siç shprehet, për të qetësuar shpirtrat e të rënëve të fundit të luftës italo-greke.

“Në bisedimet e Kretës në muajin Nëntor, -thekson komunikata, – u diskutua një afat kohor për nisjen e punimeve, të bazuar në marrëveshjen mes palëve, në kuadër të një çështje humanitare, e cila duhet të zgjidhej në mënyrën më të mirë të mundshme”.

Qeveria greke përshëndet angazhimin e qeverisë shqiptare lidhur me zgjidhjen e kësaj çështje që tregon se dialogu, bashkëpunimi dhe besimi, pa stereotipe, mund të zgjidhë divergjencat dhe njëkohësisht të çlirojë energji pozitive në rajon dhe në të mirën e popujve tanë thuhet në deklaratë.

Edhe partitë opozitare greke e kanë përshëndetur nisjen e gërmimeve në Dragot.

Top Channel