Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një komision në Dhomën e Përfaqësuesve të shtetit të Floridas në SHBA, miratoi me shumicë dërrmuese një rezolutë që e cilëson pornografinë një “rrezik të madh për shëndetin mendor e fizik të qytetarëve”.
Rezoluta u miratua nga 18 anëtarë dhe vetëm një kundërshtim. Ai që votoi kundër ishte i vetmi mjek në këtë Komision, që argumentoi votën e tij duke thënë se Florida ka probleme më të mëdha me shëndetësinë sesa pornografia.
Propozuesi i rezolutës ishte Bill Spano, që është gjithashtu kandidat për kryeprokuror në këtë shtet. Ai thotë se rreziku, sidomos tek fëmijët është i madh.
“Ne duhet t’i mbrojmë ata përmes edukimit, parandalimit dhe politikave të tjera sociale që mbajnë fëmijët tanë larg këtij fenomeni”, deklaroi Spano.
“Alarmi” i pornografisë në Florida është dhënë në disa studime të njëpasnjëshme, ku përfundimi ka dalë se më shumë se 25 për qind e të anketuarve pohojnë se kanë parë filma me pullë të kuqe pa mbushur ende 10 vjeç.
Top Channel
