Xhudo, Gjakova e Krasniqi medalje në Tunizi
20/01/2018 14:47
Evertoni gjen trajner, Broja vendoset nën urdhrat e ishit të Manchester United 10/01 23:24
Nora Gjakova dhe Distria Krasniqi i dhuruan 2 medalje Kosovës në turneun Grand Prix të Tunizisë në sportin e xhudot. Nora Gjakova në kategorinë e peshës deri në 57 kg dhe në finale u përball me koreanojugoren JuJong Kvon.
Gjakova e kontrolloi ndeshjen gjatë gjithë kohës dhe në çastet e fundit të sfidës i dha goditjen përfundimtare kundërshtares, duke u ngjitur në shkallën më të lartë të podiumit.
Ndërsa Distria Krasniqi garoi në kategorinë e peshës deri në 52 kg duke fituar medaljen e argjendtë. Në finale, Krasniqi u përball me brazilianen Pereirat, të cilën u duk se po e mposhtte. Por në fund Pereira përfitoi nga humbja e përqendrimit të Krasniqit, për të fituar medaljen e artë, ndërkohë që kosovarja u detyrua të kënaqej me vendin e dytë.
Top Channel
