Trump nuk di himin! Pro dhe kundër presidentit

Por mediet sociale shumë shpejt do ta spostonin vëmendjen nga loja te presidenti amerikan, mbështetësit e të cilit u ndienë krenarë, kur e panë me dorën të mbështetur te zemra, ndërsa kritikët shikonin lëvizjen e buzëve të tij e thanë se shefi i Shtëpisë së Bardhë harroi fjalët e himnit.

Një gjë është e sigurtë, sipas BBC-së: himnin të plotë, Trump nuk e këndoi. Pamjet filmike tregojnë sesi ai nxjerr disa fjalë, pastaj pushon e disa rreshta i humbet. Nëse i ka harruar apo jo, kjo temë debati mbetet e hapur.

Presidenti është filmuar ndërsa këndonte himnin në të shkuarën, e ka qenë një zë i fuqishëm në mbështetjen dhe respektimin e tij.

Korrespondenti i BBC-së, Anthony Zurcher ka një teori të veten mbi këtë ndodhi, për të cilën nënvizon dy shkaqe: Trump mund të ketë probleme me dëgjimin, ose atje poshtë në fushë, kumbimi është ndryshe dhe dëshifrimi i muzikës bëhet më i vështirë. Gjë që mund ta ketë penguar që të ndjekë ritmin.

Mjaft përdorues të medieve sociale, megjithatë nuk u treguan kaq të butë e nxituan të shkruajnë se presidenti nuk mbante mend fjalët dhe përsëriste gjepura.

Top Channel